’اگر رات کا کھانا 9 بجے سے پہلے کھالیں تو مرد اس بیماری سے بچ سکتے ہیں‘ سائنسدانوں کا ایسا انکشاف کہ کوئی بھی پاکستانی مرد 9 بجے کے بعد کھانا نہیں کھائے گا
رات کا کھانا جلدی کھا لینا چاہئیے، اس کے بہت سے فوائد ہیں، لیکن ایک بہت ہی بڑا فائدہ ہسپانوی سائنسدانوں نے ایک حالیہ تحقیق کے بعد بتایا ہے۔ ہزاروں افراد پر کی گئی تحقیق میں معلوم ہوا کہ رات کا کھانا نو بجے سے پہلے کھانے والے مردوں میں پراسٹیٹ کینسر کا خدشہ تقریباً 20 فیصد کم ہو جاتا ہے۔ اسی طرح خواتین بھی اگر رات کا کھانا نو بجے سے پہلے کھالیں تو ان میں بریسٹ کینسر کا خدشہ تقریباً 20 فیصد کم ہو جاتا ہے۔
میل آن لائن کے مطابق 4000 سے زائد افرا د پر کی گئی اس تحقیق میں یہ بات سامنے آئی ہے کہ سونے سے کم از کم دو گھنٹے قبل رات کا کھانا کھالیا جائے تو کینسر کے خدشے میں واضح کمی آجاتی ہے۔ ماہرین کا کہنا ہے کہ رات کا کھانا دیر سے کھانے کے باعث معدے میں
سوزش پیدا ہوتی ہے جس کے باعث بلڈ شوگر کا لیول زیادہ ہوجاتا ہے اور یہ بات مذکورہ بالا دونوں اقسام کے کینسر سے جڑی ہوئی ہے۔ شام ڈھلتے ہی رات کا کھانا کھالیا جائے تو اسے ہضم کرنے میں بھی بہت آسانی رہتی ہے اور نیند بھی اچھی آتی ہے۔ یہ تحقیق ”بارسلونا انسٹی ٹیوٹ فار گلوبل ہیلتھ“ کے سائنسدانوں نے کی ہے اور اسے سائنسی جریدے International Journal of Cancer میں شائع کی گیا ہے۔