”پاکستان نے انکار کر دیا ہے اور ہم سے کہہ رہا ہے کہ۔۔۔“بھارت نے پائلٹ کی رہائی پر بھی ہنگامہ شروع کر دیا، جان کر آپ کو بھی بے حد افسوس ہو گا
پاکستان نے بھارتی پائلٹ کو رہا کرنے کا اعلان کیا تو بھارت نے اس کا خیرمقدم کرنے کے بجائے اپنی جیت قرار دینا شروع کر دیا اور اب معاملے پر طرح طرح کی باتیں بھی جا رہی ہیں کہ جان کر آپ کو بھی بے حد افسوس ہو گا۔
بھارتی خبر رساں ادارے ’این ڈی ٹی وی‘ کے مطابق حکومتی ذرائع نے کہا ہے کہ بھارت ابھی نندن کو لینے کیلئے خصوصی طیارہ بھیجنا چاہتا تھا مگر پاکستان سے اجازت دینے سے انکار کر دیا۔ پاکستان کے وزیراعظم عمران خان نے ونگ کمانڈر ابھی نندن کو رہا کرنے کا اعلان کیا تھا لیکن اس کی واپسی کے طریقہ کار کو پیچیدہ بنا دیا گیا ہے۔
رپورٹ میں کہا گیا ہے کہ ابھی نندن کی واپسی کے دوطریقہ کار تھے کہ یا اسے جہاز کے ذریعے بھیجا جاتا یا واہگہ بارڈر کے ذریعے، اور بھارتی حکام چاہتے ہیں کہ ابھی نندن میڈیا کے سامنے نہ آئے اور یہی وجہ ہے کہ وہ اسے واہگہ بارڈر کے راستے نہیں لینا چاہتے، بالخصوص سہ پہر کے وقت کیونکہ اس وقت پرچم اتارنے کی تقریب دیکھنے کیلئے لوگوں کا جم غفیر بارڈر پر موجود ہوتا ہے۔
پاکستان نے اعلان کیا ہے کہ وہ براستہ واہگہ بارڈر ابھی نندن کو بھارتی حکام کے حوالے کریں گے تاہم بھارتی حکومت چاہتی تھی کہ اسے انڈین ائیرفورس کے خصوصی طیارے کے ذریعے لے جایا جائے۔