پاکستان میں پاک فوج کے گن گانے والے بھارتی پائلٹ ابھی نند ن اب بھارت جا کر کیا بات کریں گے ؟دفاعی تجزیہ کار نے متنبہ کردیا
پاکستان نے بھارتی پائلٹ ابھی نندن کو بھارت کے حوالے کردیا ہے جس کے بعد وہ واہگہ بارڈر کے راستے سے بھارت واپس پہنچ گیا ہے ۔واہگہ بارڈر پر رینجرز حکام نے ابھی نندن کو بھارتی حکام کے حوالے کیا ۔بھارت جانے سے قبل ابھی نندن کا ایک ویڈیو پیغام بھی سامنے آیا جس میں اس نے پاک فوج کی پیشہ وارانہ صلاحیت اور قابلیت کی خوب تعریف کی ۔ابھی نندن نے کہا کہ پاکستان کی فوج بہت زیادہ پیشہ ور ہے ،جنہوں نے مجھے پرجوش ہجوب سے بچا یا اور پھر علاج معالجہ کرا کے بہتر طریقے سے رکھا ۔
نجی نیوز چینل اے آر وائی نیوز پر ابھی نندن کے اس ویڈیو بیان پر تبصرہ کرتے ہوئے دفا عی تجزیہ کار نعیم خالد لودھی نے کہا کہ پاکستان سے جانے کے بعد ابھی نندن سب سے پہلے ہیڈ کوارٹر جائے گا جہاں اس سے بریفنگ لی جائے گی اور ابھی نندن پر زور دیا جائے گا کے بھارت کی مرضی کا بیان دے ۔انہوں نے کہا کہ بھارت جانے کے بعد ابھی نندن پاکستان اور پاک فوج مخالف بیان دے گیا اور کہے گا کہ اس پر ٹارچر ہوا ہے حالانکہ وہ پاک فوج کی حراست میں ابھی نندن کافی ہشاش بشاش نظر آرہا تھا لیکن بھارت جا کر اس قسم کے بیان دینا اس کی مجبوری ہے ،ماضی میں بھی ایسا ہوتا رہے ہے ۔