اسلام آباد ہائیکورٹ نے بھارتی پائلٹ کی واپسی کیخلاف درخواست پر دبنگ فیصلہ سنا دیا
وزیراعظم عمران خان نے بھارتی پائلٹ ابھی نندن کو رہا کرنے کا اعلان کیا تھا جس کے بعدآج کچھ ہی دیر میں اسے بھارتی حکام کے حوالے کیا جائے گا تاہم آج صبح اسلام آبادہائیکورٹ میں رہائی کیخلاف درخواست دائر کی گئی تھی جس پر فیصلہ سنا دیا گیا ہے ۔
اسلام آباد ہائیکورٹ نے بھارتی پائلٹ کی رہائی کیخلاف درخواست کو 12 بجے سماعت کیلئے مقررکیا تھا جس دوران اسے مسترد کرتے ہوئے عدالت عالیہ نے ریمارکس دیئے کہ ” کیاہم اپنے منتخب نمائندوں کی حب الوطنی پر سوال اٹھا سکتے ہیں ؟۔“
یاد رہے کہ بھارتی پائلٹ نے لائن آف کنٹرول کی خلاف ورزی کی تھی جس پر پا ک فضائیہ کے طیاروں نے انہیں گرایا جبکہ ایک پائلٹ کو پاکستانی حدودمیں سے پاک فوج نے گرفتار بھی کیا ۔
وزیراعظم عمران خان نے گزشتہ روز قومی اسمبلی کے اجلاس میں پاکستان اور بھارت کے درمیان کشیدگی کم کرنے کیلئے بھارتی پائلٹ کو جذبہ خیر سگالی کے تحت رہا کرنے کا اعلان کیا جس کی تعریف بھارتی صحافی بھی کر رہے ہیں اور عمران خان کی تقریر کو بے حد سراہا جارہاہے ۔