بشریٰ بی بی نے عمران خان کو ختم نبوت کے حوالے سے کیا بات کہہ دی ؟اصل خبر تواب آئی
قومی اخبار کی ایک رپورٹ میں لکھا ہے کہ پاکستان تحریک انصاف کے سربراہ عمران خان کی اہلیہ بشری بی بی بہت پریکٹیکل خاتون ہیں اور اپنے شوہر کو مذہبی، روحانی اور سیاسی مسائل پر مشورہ دیتی ہیں۔ذرائع نے بتایا کہ پیر سیال شریف، سلطان باہو کے پیروں اور حتیٰ کہ منکی شریف کے پیروں کو پی ٹی آئی میں عہدے دلا نے میں بھی بشری بی بی کا کردار رہا ہے۔ ممکنہ خاتون اول بشری بی بی بریلوی
اور روحانی حلقوں میں کافی اثر رکھتی ہیں، بشری بی بی نے تحریک لبیک پاکستان کے ساتھ کچھ سیٹ ایڈجسمنٹ کی کوشش کی تھی اور خادم رضوی کو ایک قاصد بھیجا تاہم وقت کی قلت کے باعث یہ کوشش کامیاب نہیں ہوئی،بشری بی بی نے قاصد کے ذریعے سے پیغام بھجوایا کہ عمران خان کے مذہبی عقائد مضبوط ہیں اور انہوں نےعمران خان کیخلاف خادم رضوی کے غصے میں دیے گئے بیان کو معاف کردیا ہے اور ساتھ ہی اپنے شوہر عمران خان کو خبر دار کیاہے کہ وہ آئندہ ختم نبوت کے معاملے پر محتاط رہیں۔ بشری بی بی کے
ہی مشورے اور رہنمائی کےباعث عمران خان نے مفتی منیب کے ساتھ 3گھنٹے کی ملاقات کی تاکہ اہل سنت و الجماعت کے ساتھ اپنا موقف واضح کر سکیں۔یاد رہے اس سے پہلےسیاسی مبصرین کا خیال تھا کہ عمران خان کی اہلیہ بشری بی بی عمران خان کے وزیراعظم بننے کے
بعد ملکی فیصلوں پر بھی اثر انداز ہو سکتی ہیں۔کیونکہ عمران خان اپنی اہلیہ کے مشوروں سے چلتے ہیں اور بشری بی بی بھی ہر معاملے میں عمران خان کو مشورے دیتی رہی ہیں۔اور قومی اخبار کی رپورٹ میں بشری بی بی کا سیاسی کردار بھی سامنے آ گیا ہے۔جس سے پتہ چلتا ہے کہ بشری بی بی عام انتخابات 2018ء سے پہلے کیا کیا سیاسی کردار نبھایا ہے۔