الیکشن 2018 ، رانا ثنااللہ کے مستقبل کا کیابنا ؟جواب آپ کے تمام اندازے غلط ثابت کر دے گا
الیکشن 2018 کے لیے پولنگ کا عمل مکمل ہونے کے بعد غیر حتمی و غیر سرکاری نتائج نے پورے ملک میں ہلچل مچا دی ہے ،پاکستان تحریک انصاف نے تمام سیاسی جماعتوں کو شکست فاش سے دوچار کرتے ہوئے قومی اسمبلی اور خیبر پختونخوا میں سب سے بڑی
پارٹی ہونے کا اعزاز حاصل کر لیا ہے ،حالیہ الیکشن میں بڑے بڑے برج الٹ گئے ہیں ،پنجاب میں سابق صوبائی وزیر قانون اور مسلم لیگ ن کے سینئر رہنما قومی اور صوبائی اسمبلی کی دونوں نشستوں سے تحریک انصاف سے شکست کھا گئے ہیں ۔
غیر سرکاری و غیر حتمی نتائج کے مطابق الیکشن 2018 میں جہاں بڑے بڑے سیاسی نام تحریک انصاف کے ہاتھوں شکست سے دوچار ہوئے ہیں وہیں مسلم لیگ ن کے سینئر رہنما اور صوبائی وزیر قانون رانا ثنا اللہ ’’ تبدیلی کی لہر ‘‘ کا شکار ہوتے ہوئے کپتان کے کھلاڑیوں سے فیصل آباد کے قومی اور صوبائی حلقوں میں شکست فاش سے دوچار ہو گئے ہیں ۔غیر سرکاری اور غیر حتمی نتائج کے مطابق این اے106 سے تحریک انصاف کے امیدوار نثار احمد نے 57 ہزار 300 ووٹ حاصل کر لیے ہیں جبکہ رانا ثنااللہ 55ہزار 405 ووٹ حاصل کر
کے دوسرے نمبرپر رہے ہیں۔ جبکہ پی پی 113 فیصل آباد میں بھی پاکستان تحریک انصاف کے امیدوار محمد وارث نے مسلم لیگ نون کے رہنما اور سابق صوبائی وزیر قانون رانا ثناء اللہ کو شکست دے دی ہے۔