لاہور سے ایم این اے منتخب ہونے والے تحریک انصاف کے حماد اظہر نے اسمبلی جانے سے پہلے ہی ایسا اعلان کردیا کہ ہرپاکستانی کے دل میں گھر کرلیا
پاکستان تحریک انصاف نے اکثیرت حاصل کرلی ہے اور اب حکومت بننے جارہی ہے ، ایسے میں عمران خان نے اپنی پہلی تقریر میں عوام کے ٹیکس کے پیسے کی حفاظت کرنے کا اعلان کیا تو ایسے میں کھلاڑی بھی میدان میں آگئے، نجیب ہارون کے بعد اب لاہور سے رکن قومی اسمبلی منتخب ہونیوالے حماد اظہر نے بھی تنخواہ سمیت مراعات نہ لینے کا اعلان کردیا۔
مائیکروبلاگنگ ویب سائٹ ٹوئٹر پر حماد اظہر نے اعلان کیا کہ ” پارلیمنٹ کے ایک رکن کی حیثیت سے میں اپنی تنخواہ اور نقد الاﺅنسز وصول نہیں کروں گا، انشاءاللہ ، میں کوشش کروں گا کہ عمران خان کی طرف سے سادگی اپنانے کی دی گئی گائیڈ لائن کی پیروں کروں‘۔
یادرہے کہ اس سے قبل کراچی سے منتخب ہونے والے تحریک انصاف کے نجیب ہارون نے بھی اعلان کیاتھا کہ وہ کسی قسم کی مراعات نہیں لیں گے اور دیگر لوگوں کو بھی ایسا ہی کرنا چاہیے ، ایک فالوور کی تجویز پر انہوں نے اس بات کا عندیہ دیدیا کہ حلقے کے نام کا کوئی اکاو¿نٹ کھلوا کر تنخواہ اس میں لی جائے اور اس تنخواہ سے حل ہونیوالے مسائل کو نمٹادیاجائے ۔
حماد اظہر کی ٹوئیٹ پر ڈاکٹرجنید عالم نے لکھا کہ ’تحریک انصاف کے کھاتے پیتے ہررکن کو یہی کرنا چاہیے تاہم یہ بات بھی ذہن میں رکھیں تمام لوگوں کے پاس زمینیں، گھر ، فیکٹریاں یا کاروبار نہیں ہیں، اس لیے کئی لوگوں کو تنخواہوں کی ضرورت بھی ہے ۔