نوازشریف کے دور میں تعینات اہم ترین شخصیت کو پانچ ارکان سمیت عہدے سے ہٹا دیا گیا
وفاقی حکومت نے نوازشریف دور حکومت میں تعینات کئے گئے وزیر اعظم معائنہ کمیشن کے چیئرمین پرویز راٹھور سمیت 6 ارکان کے کنٹریکٹ منسوخ کر کے ان کو عہدوں سے ہٹا دیا گیا ،ا س حوالے سے نوٹیفیکیشن جاری کر دیئے گئے ۔تفصیلات کے مطابق وفاقی حکومت نے قومی خزانے پر بوجھ کم کرنے کے لئے نوازشریف دور حکومت میں تعینات کئے گئے وزیر اعظم معائنہ کمیشن کے چیئرمین پرویز راٹھور سمیت 6 ارکان کے کنٹریکٹ
منسوخ کر دیئے اور انہیں فوری طور پر عہدوں سے برطرف کردیاگیا ۔ جن ارکان کے کنٹریکٹ منسوخ کیے گئے ہیں ان کی تعیناتی سابق وزیر اعظم نواز شریف نے کی تھی ،چیئرمین پرویز راٹھور ، چوہدری کبیر احمد خان اور کیپٹن (ر)عدنان آفتاب کے کنٹریکٹ منسوخ کر دیئے
گئے ہیںکرنل (ر )انور عباسی ، کرنل (ر)مسرت نعیم اور را ئواقبال کے کنٹریکٹ منسوخ کر دیئے گئے ہیں۔ ذرائع کے مطابق حکومت نے یہ اقدام قومی خزانے پر بوجھ کم کرنے کے لئے اٹھایا کیونکہ یہ افراد لاکھوں روپے اور بھاری مراعات لے رہے تھے ۔وزیر اعظم معائنہ کمیشن کے ارکان کے ملازمت کے کنٹریکٹ منسوخ کرنے کے نوٹیفیکیشن جاری کر دیئے ہیں۔