”پشاور میٹرو میں پرانا سریا استعمال کیا جارہاہے “ سوشل میڈیا پر ایسی ویڈیو وائر ہو گئی کہ سن کر عمران خان بھی پریشان ہو جائیں گے
سماجی کارکن اور لندن کالج میں پروفیسر کے فرائض انجام دینے والے راشد ہاشمی نے پشاور میں بنائی جارہی میٹر وبس کے حوالے سے ایسی ویڈیو جاری کر دی کہ سن کر پاکستانیوں کے ہوش ہی اڑ جائیں گے ۔
تفصیلات کے مطابق راشد ہاشمی کی جانب سے جاری کر دہ ویڈیو میں دیکھا جا سکتاہے کہ یہ ایک مزدور کنکریٹ کی چھت ڈالنے کیلئے پشاور میں کسی مقام پر سریوں کا جال بچھا رہا ہے جس سے ایک شخص گفتگو کرنے کی کوشش کر رہاہے لیکن وہ انکار کر رہاہے اور کہتا ہے کہ ہم تو صرف مزدور ہیں اور دیہاڑی لگانے آئے ہیں ۔
ویڈیو بنانے والا شخص مزدور سے پوچھنے کی کوشش کر رہاہے کہ آپ لوگ یہاں پر پرانا سریا کیوں لگا رہے ہیں ؟ جس پر مزدور نے جواب دیا کہ آیا ہی پروانا ہے ، وہ لوگ نیا سریا نہیں دیتے ہیں ۔ جس پر ویڈیو بنانے والا شخص کہتاہے کہ یہ پشاور میں تبدیلی ہے ۔
راشد ہاشمی کی جانب سے یہ ویڈیو جاری کی گئی جس پر انہوں نے پیغام درج کیا کہ ” پشاور میٹرو بس پراجیکٹ میں پرانا سریا استعمال ہور ہاہے ، خود ہی ملاحظہ فرمائیں ! ۔ ان کا مزید کہناتھا کہ یادر ہے کہ یہ وہ پراجیکٹ ہے جو گزشتہ کئی سال سے مکمل ہونے کا نام ہی نہیں لے رہا ، اور تعمیراتی اجرت بھی تین گنا تک بڑھ چکی ہے ۔
ضرور پڑھیں: آنر (Honor)کے نئے ماڈل ’آنر10لائٹ‘ کی پیشگی بکنگ جاری ، فیچرز کی تفصیلات بھی سامنے آگئیں
یہاں یہ امر بھی قابل ذکر ہے کہ یہ ویڈیو سوشل میڈیا پر تیزی کے ساتھ وائرل ہو رہی ہے تاہم اس معاملے پر خیبر پختون خواکے حکام کی جانب سے کوئی موقف سامنے نہیں آ سکا ہے ۔