تحریک انصاف کی فتح کے ساتھ ہی ریحام خان کے ساتھ ایسا کام ہو گیا کہ وہ سوشل میڈیا استعمال کرنا ہی چھوڑ دیں گی
تحریک انصاف عام انتخابات میں فتح حاصل کر چکی ہے اوراس کے کارکن شادماں نظر آرہے ہیں۔ سوشل میڈیا پر تحریک انصاف کے کارکنوں کی فتنہ طرازیوں سے تو سبھی واقف ہیں اور اب اپنی پارٹی کی جیت پر انہوں نے ریحام خان کے ساتھ ایسا کام کر ڈالا ہے کہ وہ سوشل میڈیا کا استعمال ہی ترک کر دیں گی۔ ویب سائٹ ’مینگوباز‘ کے مطابق الیکشن کے دن ریحام خان نے اپنی ایک سیلفی سماجی رابطے
کی ویب سائٹ ٹوئٹر پر پوسٹ کی جس میں ایک بلی کی تصویر بھی تھی۔ اس سیلفی کے ساتھ ریحام خان نے لکھا کہ ’’اس واری۔۔۔ بلی‘‘ ۔ ان کے یہ پوسٹ کرنے کی دیر تھی کہ تحریک انصاف کے حامیوں نے ان پر یلغار کر دی۔
غازی ابصر نامی شخص نے لکھا کہ ’او، سستی شہرت کی تلاش۔‘ گرین آئز نامی ٹوئٹر اکاؤنٹ پر کہا گیا کہ ’’ریحام خان کدھر ہیں، کافی دیر سے کوئی ٹویٹ نہیں آیا، اللہ خیر کرے۔‘‘زعیم نامی نوجوان نے لکھا کہ ’’ریحام خان کا کیا حال ہو رہا ہو گا۔‘‘فرخ شہزاد نے ایک
روتی مگر ہنستی ہوئی لڑکی کی تصویر لگائی اور ساتھ لکھا’’اس وقت ریحام خان کی یہ حالت ہو رہی ہو گی۔‘‘سہیل خان نے ریحام خان سے مطالبہ کر ڈالا کہ ’’ریحام خان! بہت ہو گیا، اب معافی مانگو۔‘‘میمونہ خٹک نامی لڑکی نے کہا کہ ’’اس وقت ریحام خان ویسا ہی محسوس کر رہی ہو گی جیسا بھارت کے خلاف کرکٹ میچ جیتنے پر رشی کپور نے محسوس کیا تھا۔‘‘