ریحام خان کو عمران خان کے خلاف ہرزہ سرائی کے لیے 10 کروڑ روپے کی پیشکش کس نے کی ؟ نامور گلوکار سلمان احمد کا دھماکہ خیز انکشاف
معروف گلوکار اور پی ٹی آئی رہنما سلمان احمد نے دعویٰ کیا ہے کہ ریحام خان اور پاکستان مسلم لیگ (ن) نے انہیں الیکشن سے قبل عمران خان کے خلاف ہرزہ سرائی کرنے کیلئے 10 کروڑ روپے کی پیشکش کی تھی۔ انہوں نے ٹوئٹر پر دعویٰ کیا ہے ریحام خان، مسلم لیگ(ن)
اور پیپلز پارٹی کے اہم رہنماؤں کی جانب سے ان سے ایک ہی دن رابطہ کیا گیا اور عمران خان پر کیچڑ اچھالنے کیلئے کہا گیا۔ انہوں نے ریحام خان کو چیلنج کرتے ہوئے کہا کہ اگر ریحام خان کو کوئی ڈر نہیں ہے اور وہ کچھ نہیں چھپا رہیں تو نجی چینل کے ٹاک شو میں میرا سامنا کریں اور میرے سوالوں کا جواب دیں۔دوسری جانب پنجاب حکومت کے سابق وزیر قانون رانا ثناء اللہ نے ان
افواہوں کی تردید کر دی ہے کہ مسلم لیگ ن کے کچھ رہنمائوں نے ریحام خان سے ملاقات کے دوران انہیں عمران خان کیخلاف کتاب لکھنے پر آمادہ کیا۔ رانا ثناء اللہ نے کہا ریحام خان کی کتاب سے مسلم لیگ ن کو کوئی فائدہ نہیں ہوگا اور کتاب میں عمران خان کی شخصیت کے بارے میں کچھ لکھا گیا ہے تو اس سے عمران خان کی ذات کو نقصان ضرور پہنچ سکتا ہے۔ انہوں نے کہا
مسلم لیگ (ن) ایسی اوچھی حرکتوں پر یقین نہیں رکھتی۔ عمران خان خود ہر روز کوئی نہ کوئی دھماکہ کرتے رہتے ہیں اور ان کا ہر روز اپنے آپ سے ہی مقابلہ ہوتا رہتا ہے اور وہ اپنے آپ کو ہر روز ہی شکست دیتے رہتے ہیں۔(ن)