صدر مملکت عارف علوی کیلئے خانہ کعبہ کے دروازے کھول دئیے گئے
دورہ سعودی عرب پر موجود صدر مملکت عارف علوی کیلئے خانہ کعبہ کے دروازے کھول دئیے گئے۔
رپورٹس کے مطابق صدر مملکت عارف علوی منگل کے روز عمرہ کرنے کیلئے پہنچے اور ملکی سلامتی کیلئے دعا کی۔ عمرہ کی ادائیگی کے دوران صدر مملکت عارف علوی کیلئے خانہ کعبہ کے دروازے کھولے گئے اور انہوں نے نوافل ادا کئے۔ خانہ کعبہ کی انتظامیہ کے علاوہ پاکستانی سفیر بھی ان کے ہمراہ تھے۔ ذرائع کے
مطابق صدر مملکت کے دورے کے دوران سیکیورٹی کے سخت انتظامات کئے گئے۔ قبل ازیں انہوں نے سعودی فرمانروا شاہ سلمان سے ملاقات کی جس دوران باہمی دلچسپی کے معاملات اور باہمی تعلقات پر بات چیت کی گئی۔