”بے شرم، بے حیاء۔۔۔“ سری دیوی کے انتقال کے روز ان کے دیور سنجے کپور نے ایسی تصویر اپ لوڈ کر دی کہ بھارت بھر میں تہلکہ مچ گیا، ہر کوئی غصے سے آگ بگولہ ہو گیا
سری دیوی کی موت کی خبر ان کے دیور اور بونی کپور کے بھائی سنجے کپور نے مداحوں کو دی اور یہ بھی بتایا کہ سری دیوی کو دل کی کوئی بیماری نہیں تھی۔ بعد ازاں تحقیقات میں یہ معلوم ہوا کہ وہ ہوٹل کے کمرے میں باتھ روم کے ٹب میں حادثاتی طور پر ڈوب کر انتقال کر گئیں۔
سری دیوی کی موت کی خبر 24 فروری کو مداحوں کو ملی اور اسی روز سنجے کپور نے سماجی رابطوں کی ویب سائٹ انسٹاگرام پر اپنی ایک ایسی تصویر شیئر کی کہ بھارت بھر میں ہنگامہ برپا ہو گیا ۔
اس تصویر میں وہ سرخ رنگ کا کرتا پہنے ہوئے تھے اور تصویر شیئر کرتے ہوئے لکھا ”شادی ہینگ اوور۔۔۔“
جیسے ہی صارفین نے ان کی یہ تصویر دیکھی تو کسی نے انہیں بے شرم کہنا شروع کر دیا تو کسی نے بے حیاءکا خطاب دیدیا جبکہ کوئی انہیں جذبات سے عاری کہنے لگا اور یہ بھی کہا جانے لگا کہ وہ کیسے فیملی ممبر ہیں۔ اگرچہ یہ تصویر انہوں نے 24 فروری کو ہی اپ لوڈ کی تھی لیکن لوگ شائد یہ بھول گئے کہ یہ تصویر سری دیوی کی موت کی خبر آنے سے پہلے اپ لوڈ ہوئی۔
اس کے بعد انہوں نے 28 فروری کو ایک تصویر شیئر کی جو ان کی اپنی نہیں بلکہ بھگوان کی تصویر تھی لیکن اس پر بھی صارفین انہیں تنقید کا نشانہ بناتے رہے۔
اس تصویر پر شدید تنقید کے بعد انہوں نے تین روز قبل اپنی بھابھی سری دیوی کیساتھ لی گئی ایک تصویر شیئر کی تو لوگوں کے جذبات کو سکون پہنچا اور ان کی جان بخشی ہوئی۔