سعودی عرب نے پاکستان پر ڈالروں اور تیل کی بارش کر دی- پاکستانیوں کے لئے سب سے بڑی خوشخبری سعودی عرب نے پاکستان پر ڈالروں اور تیل کی بارش کر دی- پاکستانیوں کے لئے سب سے بڑی خوشخبری
سعودی عرب نے ادائیگیوں کے توازن کیلئے سعودی عرب کو 3 ارب ڈالر دینے کے علاوہ 3 ارب ڈالر کا تیل ادھار دینے اور پاکستان میں پٹرولیم ریفائنری میں سرمایہ کاری کرنے کا اعلان کر دیا ہے۔
وزیراعظم عمران خان کے دورہ سعودی عرب کا اعلامیہ جاری کر دیا گیا ہے جس کے مطابق وزیراعظم نے شاہ سلمان بن عبدالعزیز اور محمد بن سلمان سے ملاقاتیں کیں جن میں دوطرفہ معاشی تعاون کیلئے اہم فیصلے کئے گئے۔
اعلامیے کے مطابق سعودی عرب نے ادائیگیوں کے توازن کیلئے پاکستان کو تین ارب ڈالر دینے کے علاوہ تین ارب ڈالر کا تیل بھی ادھار دینے کا فیصلہ کیا ہے۔ سعودی عرب نے پاکستان میں پٹرولیم ریفائرنری میں سرمایہ کاری پر بھی آمادگی ظاہر کر دی ہے اور اب وفاقی کابینہ سے منظوری کے بعد تمام معاہدوں پر دستخط کئے جائیں گے۔
اعلامیے میں کہا گیا ہے کہ وزیراعظم نے سرمایہ کاری کانفرنس میں پاکستان کی ترجیحات کو اجاگر کیا اور اپنے خطاب میں انسانی وسائل کی ترقی پر زور دینے کے علاوہ دہشت گردی کے خلاف جنگ میں کامیابیوں کا تذکرہ کیا اور خطے میں سی پیک کی اہمیت سے متعلق اظہار خیال بھی کیا۔
سعودی عرب نے معدنی وسائل کے شعبے کو ترقی دینے میں دلچسپی کا اظہار کیا ہے جس پر وفاقی حکومت نے بلوچستان حکومت سے مشاورت کے بعد سعودی وفد کو دورے کی دعوت دینے کا فیصلہ کیا ہے۔ سعودی ولی عہد نے پاکستانی ورکرز کیلئے ویزا فیس کم کرنے سے متعلق وزیراعظم کی تجویز بھی مان لی ہے۔