جس نے پینی ہے پیتا رہے گا ، شراب پر پابندی کی بات رمیش کمار نے سستی شہرت کیلئے کی :فواد چودھری اپنی ہی جماعت کے رہنما پر برس پڑے
وزیر اطلاعات فواد چودھری نے کہاہے کہ شراب پر پابندی کی بات رمیش کمار نے سستی شہرت کیلئے کی ہے ، پابندی سے کیا ہوجائیگا ؟ جس نے پینی ہے وہ پیتارہے گا۔
جیونیوز کے پروگرام ”کیپٹل ٹاک“ میں گفتگو کرتے ہوئے فواد چودھری نے کہا کہ میرے خیال میں نوازشریف اور آصف زرداری کی سیاست ختم ہوگئی ہے ، بند کمروں کی خبریں بھی نہیں رکتیں ،تحقیقات کی خبرکیسے رک سکتی ہے؟ آصف زرداری اورنواز شریف نے بہت عرصہ سیاست کی لیکن اب مقدمات اور قانونی پیچیدگیاں اتنی ہے کہ دیکھتے ہیں کہ نوازشریف اور آصف زرداری بچ پاتے ہیں یا نہیں ۔ انہوں نے کہا کہ ہو سکتا ہے کہ ڈیل کی کوششیں ناکام ہوگئی ہوں ، سعدرفیق اور سلمان رفیق کی گرفتاری سے ابھی پچاس لوگ پورے نہیں ہوئے ۔
انہوں نے کہا کہ مجھے مریم اورنگز یب کے کیس کاپتہ نہیں ہے ، جب بھی کوئی مقدمہ کھلے تو نیب کا فرض ہے کہ الزامات کولوگوں کے سامنے لیکر آئے،نیب کا موجودہ ڈھانچہ مسلم لیگ ن نے کھڑاکیا تھا جس پر اب تنقید کی جارہی ہے ۔ انہوں نے کہا شراب پر پابندی کی بات رمیش کمار نے سستی شہرت کیلئے کی ہے ، پابندی سے کیا ہوجائیگا ؟ جس نے پینی ہے وہ پیتارہے گا کیونکہ جس کو پینی ہوتی ہے وہ کہیں بھی پی لیتاہے ۔