عثمان بزدار اور پرویز الہی آمنے سامنے ہوں تو کس کے ساتھ کھڑے ہوں گے؟ فواد چودھری نے ہنگامہ خیز بیان داغ دیا
وفاقی وزیر اطلاعات و نشریات فواد چودھری نے کہا ہے کہ اپوزیشن کی خواہش ہے این آر او مل جائے لیکن عمران خان کبھی این آر او نہیں دیں گے،ایک سوال کے جواب میں انہوں نے کہا کہ پرویزالٰہی اورعثمان بزدار آمنے سامنے آئے تو ہم عثمان بزدارکےساتھ ہونگے۔
نجی ٹی وی کیساتھ گفتگو کرتے ہوئے وفاقی وزیر اطلاعات کا کہناتھا کہ ہرچیز کوکارپٹ کے نیچے ڈالنے کا کلچر بن گیا ہے، ہم اپنے اقتدار کو طول دینے کےلئے کرپشن پر پردہ نہیں ڈال سکتے، اگریہ کہیں کہ حکومت کرپشن کیسز کی پیروی نہ کرے تو یہ ناممکن ہے،فواد چودھری نے کہا کہ نیب میں موجودہ حکومت نے ایک
چپڑاسی تک نہیں لگایا،ان کا کہناتھا کہ آصف زرداری سمیت دیگرکے جیل جانے سے کوئی اثر نہیں پڑے گا، شریک چیئرمین پیپلزپارٹی اپنے محلوں سے باہر نکلیں تو انہیں پتاچلے عوام میں ان کی کیاحیثیت ہے،فواد چودھری نے کہا کہ آصف زرداری کو اندازہ ہی نہیں کہ وہ عوام میں کتنے غیرمقبول ہیں،جعلی اکاو¿نٹس کے بارے میں سپریم کورٹ کو حکومتی تحقیقات سے بھی آگاہ کریں گے۔
فواد چودھری کا کہناتھا کہ وزراکو کارکردگی پر ہٹانا وزیراعظم کا استحقاق ہے،100 دن پورے ہونے پروزیراعظم29 نومبر کو قوم کو اعتماد میں لیں گے، انتخابات میں دھاندلی کے حوالے سے ان کا کہناتھا کہ انتخابات میں مبینہ دھاندلی کیلئے پارلیمانی کمیٹی صرف بات چیت شروع کرنے کیلئے بنائی گئی ہے ،بات چیت کے دوران کچھ لو اورکچھ دو کرنا پڑتا ہے۔ ان کا کہناتھا کہ مہنگائی کی ذمے دار سابقہ حکومتیں ہیں
ایک اور سوال کے جواب میں انہوںنے کہا کہ دھرنے والوں سے معاہدہ حالات پر امن رکھنے کےلئے کیا،آسیہ بی بی پاکستان میں ہے، ہم عدالت کے فیصلے کے ساتھ کھڑے ہیں، خوش قسمتی ہے تمام ریاستی ادارے ایک صفحے پر ہیں،وفاقی وزیر اطلاعات نے کہا کہ اچھی ٹیم ملنے تک افسران کی ٹرانسفرز پوسٹنگز ہوتی رہیں گی،سوشل میڈیا کونئے ادارے پمراکے ذریعے ریگولیٹ کرنے کا پلان ہے۔