چوری کرنے کے لئے ہوائی جہاز کی ٹکٹ خریدنے والا چور، ناقابل یقین طریقہ سامنے آگیا

بس اڈوں پر تو جیب تراشی کی وارداتیں ہوتی ہی تھیں لیکن بھارت میں ایئرپورٹ پر ایک جیب تراش پکڑا گیا ہے جو ایسے طریقے سے مسافروں کی جیبیں کاٹتا تھا کہ سن کر آپ دنگ رہ جائیں گے۔ ٹائمز آف انڈیا کے مطابق 45سالہ ساجد حسین نامی ملزم ریاست جھاڑکھنڈ کے شہر مادھوپور کا رہائشی ہے جو کسی سستا سا ایئر ٹکٹ خرید کر ٹرمینل میں داخل ہوجاتا اور وہاں سب سے مصروف قطار میں لگ کر دیگر مسافروں کی جیبوں کا صفایا کردیتا تھا۔

رپورٹ کے مطابق اپنا کام کرنے کے بعد ملزم شرٹ تبدیل کرکے یا تو پرواز میں سوار ہو جاتا یا پھر باہر نکل کر ٹکٹ کینسل کروا دیتا تھا۔ اسے پولیس نے کلکتہ ایئرپورٹ پر گزشتہ دنوں گرفتار کر لیا جہاں اس نے ایک خاتون کا پرس چوری کیا تھا جس میں سونے کے زیورات اور 3500بھارتی روپے تھے۔ یہ خاتون کلکتہ سے کوچی جا رہی تھی۔ پولیس کے مطابق ملزم کئی مہینوں سے کلکتہ اور پٹنہ ایئرپورٹس پر وارداتیں کر رہا تھا۔

Source

Leave A Reply

Your email address will not be published.